Pîrozbahîya malê:
15ê Sibatê 2014
Çiya wisa ye; ji her derê tête dîtin.
Çiya
heye; her hind e. Li ber ba û firtoneyên herî dijwar sergiranîya xwe diparêze.
Çiya nalive. Zivistan diçin tên. Lê çiya her dem heye.
Dîrok li ber pala [singê] çiyayan tête nivîsîn.
Bab û bapîrê me yê hêja,
Ne tinê îro, em te her roj pîroz dikin. Em her roj bi
te serbilind in. Tu jîyanê bo me xweş dikî. Di welatekî [cih û warekî] xerîbîyê
da te maleke nû ava kir bi herdu destên xwe. Te xwe gihand û te em dewlemend
kirin.
Tu
çiyayê mala me yî.
Em roja
bûyîna te hizarancar pîroz dikin û maç dikin.
Eva, Ava, Hetav, Dadê û Pola
***
Bi
munasebeta şêst [60] salîya Fêqîrê Malê, ew pîrozbahîya hinde dewlemend hatîye
hinartin.
Gelo
ma ji vê dîyarîyê, ji vê pîrozbahîyê bihadartir tiştek dibû?
Zengînî ev e, dewlemendî diyar e ku ev e.
Ev hisên binemalî [malbatî], ev gotinên ku ji nîveka
dilê endamên malê ve têne gotin xezîneya herî mezin in.
Heke mirovî ev tovê bîr û hizir û hisên baş di dilê
kes û karên xwe da çandîbin, bêşik berê vî tovî dê baş be.
Ji xwe wekî van başîyan endamên malê ji dil û bi şahî
dibêjin, hingê mirov bi rehetî dikare bêje ku armanc bi dest ve hatîye.
Ya giring jî ev e. Hezkirin, anku hej hevdu kirin.
Kilîl ev e. Cihê ku tovê hezkirinê lê hatîbe çandin, rêz jî heye, xêr û xweşî
jî heye, serkevtin û serbilindî heye, huzûr, dilşahî û siyanet heye.
Di şêst salîya xwe da heke mirovî ev tabloye dît, ev
gotin bihîstin, ev hezkirin di çavanda dît, mexsed hasil bûye.
Jîyana herî xweş û serkevtî, ya li ser hezkirinê
avabûyîye.
Eve dîyarîya herî mezin e. Helbet dîyarîya herî
bihadartir jî bûyîna nevîyeke bi navê AVAyê ye.
Feqîrê ku bûye şêst salî bi xanima xwe ya rêzdar ve, bi
du lawên xwe yên serkevtî û jêhatî ve, bi bûka xwe ya hêja ve û bi nevîya xwe
ya nazdar AVAyê ve serbilind e, şa û bextewar e. Ev xêr û xweşîye bila daîmî be
heta hetayê.
Spas bo hêjayên min, bo mal û eyalên min.
Jîyaneke bi xêr û xweşî digel hezkirîyên xwe daxwaza
herî mezin e.
Feqîrê Malê
Li welatê xerîbîyê ku piştî Kurdistana ezîz êdî bûye
welatê duyemîn.
KBH - Brøndby - Danmark
15 Sibat 2014