Li
bakura Kurdistanê êrişa dewleta dagîrker û kolonyalîst di dereceya birandêr da ye.
Dewleta TCyê li rex dagîrîya xwe ya mezin metodên dagîrkerîyeke hovanetir û
operasyonel ya aktîv leşkerî û polîsî bi kar tîne. Nihe navçeyên berxwedêr di
bin bombardumaneke xedar da ne. TCyê kolonîya xwe Kurdistan daye ber agir û
disoje. Berxwedêr, sivîl ferq nake her hevwelatîyê me di bin vê êrişkarî û kuşt
û kuştdarîyê da ye. Heta nihe bi dehan têkoşerên azadîyê hatine kuştin... Warên
serhildêrîyê bi zanahî têne vala kirin û xelk bi darê zorê tête koç kirin.
Beramberî
vê êrişkarîya dewleta kolonyalîst û dagîrker ya TCyê hemû Kurd û Kurdistanî bila
hemû ferq û cudahîyên xwe yên bîr û hizirî û rêxistinî, reftar û sekina xwe ya polîtîk
û herweha rexne û gotûbêj kirina şaşî û kêmasîyên di halê hazir da rûdayî biparêzin,
belêm di roja îro da divêt rêz û refên navxweyî bi tifaqeke mezin û xurt vehûnin
û saxlem bikin û di yêk cepheyê neteweyî û niştimanî da li dijî vê êrişkarîya dewleta
TCyê di çeperê berxwedan û parastina welatî da seferber bin.
Ne
medya nejî kes divêt tiyatroya sê [3] meymûnî neleyizin. Qet nebe nerazîbûneke wijdanî
divêt bête nîşan dan. Ji bo bîrînana van têkoşerên doza Kurdistanê hemleya
findik hilkirinê divêt bête dest pê kirin. Li meydanên gund, bajêr û bajêrkan,
cih nebû li ber derên xwe, li ber pencereyên xwe, li cade û kolanên taxên xwe findika
pê bêxin. Bêyî deng û dor, nerazîbûneke sivîl û mirovî û hissîyarî. Li medyaya
sosyal jî, li malper û blogan jî findikan danin, hilkin. Hem bîrînan, hem jî
nerazîbûn.
Dijî
zulm û zora TCyê ya li taxê bakur yê Kurdistanê findikan hilkin!..
5 Kanûna Paşîn [January]
2016
ROJAN HAZIM
http://xwezabawer.blogspot.dk/