Termên kosmetîk û sexbêrîya leşî - ROJAN HAZIM

Bo Sakîne Cansiz - Fîdan Dogan - Leyla Şaylemezê EDALET!

Ev hersê jinên delal, jîr û têkoşerên azadî, wekhevî, aştî û edaletê 9ê Kanûna Paşîn (January) ya sala 2013ê li Parisê ji teref ajanên dewleta Tirkîyeyê ve hatin kuştin.

Ev çavên hinde bi ken, ev çavên bi hezkirin berê xwe didin, ev çavên tijî ronahî tiştekê dixwazin: EDALET

Wan çava, wan hiş û bîrên bi ronahî ji bo edaletê xizmet dikir, têkoşîn dida.

Ew xwazyarên edaletê bûn û ji alîyê zihnîyeteke edaletkuj ve hatin kuştin.

Piştî kuştinê doza wan ji hemû alîyan ve nehate ron kirin û adeta hate peçinandin.

Divêt ev bûyera xembar bête ron û zelal kirin ku edalet cihê xwe bibîne.

Li ser milê herkesê ku edaletê dixwazin erk e ku bo wan edaletê bixwaze.

Herçend edaleta direngmayî ne edalet jî be belêm dîsa ve bo wan edaletê bixwazin.

Dengê xwe yê edaletxwazîyê tevî dengê wan bikin.

Hûn jî bêjin:

Em edaletê dixwazin!

Adalet istiyoruz!

Vi vil have retfærdighed!

We want justice!

Wir wollen Gerechtigkeit!

Nous voulons la justice!

Em wan bi dilgermî bi bîr tînin.

RH

Sala Nû Pîroz Be-ROJAN HAZIM

Sala Nû, sala 2020ê Pîroz Be.
Hêvî dikin, sala nû, sala 2020ê xêr û xweşîyê bîne.
ROJAN HAZIM

Li ser çil salîya şehadeta Mam TAHAyî - ROJAN HAZIM

Mam TAHA

Çil sal...

Ne kêm e...

Ne sanahî ye...

Tam çil salên dirêj...

Em nabêjin te em bi tinê hêlan...

Em nabêjin me tu ji bîr kirî...

Em bi tinê neman...

Tu qet û qet nehatîye ji bîr kirin...

Tu hergav î jînde bûy di dilê me da, di jîyana me da...

Tu bi hemû hebûna xwe ve li ber serê me bûy...

Me tu herdaîm hem bi xem, kul û keser, hem jî bi ken, girnijîn û keyfxweşî bi bîr înay...

Me behsê suhbeta te kir...

Me behsê stranên te kir...

Me behsê yarîyên te kir...

Me behsê keyf û şahîya te kir...

Me behsê rehm, şewqet û dilovanîya te kir...

Me behsê hezkirina te kir...

Me behsê rêz û siyaneta te kir...

Nihe sê nevîyên te hene û daîm behsê te bo wan tête kirin...

Ew bi hesreta te mezin dibin...

Ew gelek hej te dikin...

Hejmara nevîyên te bi sêyan namîne, dê zêde bin...

Anku hejmara hezkirîyên te dê mezintir be...

Ne çil, hizar û çil sal jî ji ser koça te biborin dîsa ve tu dê di bîra nevî û nevîçirkên xwe da bî...

Tu gula dilê me yî...

Tu sebra hiş û bîrên me yî...

Tu keyf û şahîya me yî...

Girnijîna di dêm û rû û çavên te da me bi xwe ve girêdide...

Bîrînana te êdî li nik me ne xem e, ne şîn û behî ye...

Em te bi hemû xêr û xweşîyan bi bîr tînin...

Em te bi keyf û yarîyan bi bîr tînin...

Em te bi qencî û başîya bi bîr tînin...

Em te bi hezkirinên kûr û bilind bi bîr tînin...

Tu di seraya dilê me da li cihê herî sade, temîz, saxlem û bihadar da yî...

Tu jî nihe di nav koma stêran da yî li esmanê Kurdistanê û dibiriqî...

Silava germ bo te mamê me, birayê me, babê me, bapîrê me, hêjayê me...

Hizar silav...                     

Em maç û ramûsaneke gelek mezin bo te rêdikin...

RH - 24.12. 2019